Category

17 January, 2021

Nkhani Mchitumbuka

Malawi News Updates

mask on - boma

BOMA LAJALIKISKA MALANGU GHAKUCHIZGA WEYOSI KUVWALA VAKUJALA KU MLOMU NDI KU MPHUNO – Bright Nyoni

Boma lajalikiska malangu ghakuchizga weyosi kuvwala vakujala ku mlomu ndi ku mphuno ku wumba wa wanthu nge imoza mwa nthowa zakupewe Covid-19

Mu vinyaki malangu agha ghachichiza munthu weyosi kuvwala vakujala ku mphunu ndi ku mlomu {face mask} pa we ku wumba wa wanthu, ndipu kutondeka kuchita ichi munthu wakalipiranga K10,000.00.

Pa de paku ichi, nkhumanu zosi zambura kukhumbikengi viwi zakanizgika kupatuwaku ku Maliru ko wazomeleza wanthu 50 pee, kweni maliru gha munthu yo wafwa ndi Covid19 ndi wanthu tchumi pe.

Nkhumanu za National Assembly ndi zakukambiskana va Covid19 ndi zinyaki mwankhumanu zo zazomelezeka.

Malu ghakumwiya mowa ghazomelezeka kujulika 2pm ndikujalika 8pm kuti wanthu waguli ndikuchimwiya kunyumba Po ku malu ghakuguliska vakurya wakajulanga 6am ndikujala 9pm uku wandondoloska malangu ghanyaki ghosi ghakupewe Covid19.

Ku nkhani yakujulika kwa ma sukulu.Sukulu zizamujulika pija pija unduna wa vyaumoyu wazomereza unduna wa vyamasambiru kujula sukulu, ndipu sukulu yakutondeka kuzilondo malangu ghakupewe Covid19 izamujalikanga.

Wa magalimotu wazomerezeka kupinga wanthu amanavi kweniso kuwa ndi “hand sanitizer” yo wanthu wakagwilisiyanga ntchito kwawezi kweniso ma window ghagalimotu ghawengi ghamwazi ichenda, uku zuwa lelosi ipopeleka munkhwara.